Пра тое, што па кнізе Святланы Алексіевіч «У вайны не жаночае аблічча» плануюцца здымкі серыяла, паведаміў Барыс Пастэрнак на сваёй старонцы ў Фэйсбук.
Крыніца: swissinfo.ch
«І яшчэ навіна ад Святланы Аляксандраўны. Вось тут я зноў апярэджу падзеі, паколькі справа будзе доўгай — здымкі тэлевізійнага серыяла па кнізе «У вайны не жаночае аблічча». Пасля ашаламляльнага поспеху «Чарнобыля», знятага амерыканскай стрымінгавай кампаніяй HBO, за правы на новы серыял разгарнулася міжнародная канкурэнцыя. Не магу пакуль выдаваць падрабязнасці, але дагавор падпісаны, падрыхтоўчы перыяд пачаўся», — напісаў ён.
«<...> Справядлівасць у Галівудзе ёсць: «Чарнобыль» атрымаў і «Эмі», і «Залаты глобус», і BAFTA і яшчэ шмат чаго. Думаю, што і новы серыял па Святлане Алексіевіч будзе не менш паспяховы. На няшчасце, яшчэ і таму, што кніга «У вайны не жаночае аблічча», напісаная ў 1983 годзе, набывае сёння новую актуальнасць».
