ПАДЗЕЯ ДНЯ: Аўтограф-сесія паэткі Марыі Мартысевіч у Варшаве

У сераду, 5 кастрычніка, абавязкова завітайце ў Беларускі Моладзевы Хаб на аўтограф-сесію Марыі Мартысевіч.

---

Дата: 5 кастрычніка

Час: з 18.30 да 20.00 (час мясцовы)

Месца: Беларускі Моладзевы Хаб, plac Konstytucji 6, Варшава

У спадарыні Марыі выйшла пятая кніга паэзіі «Водападзел», якую склалі вершы, створаныя якія з 2006-га па 2021 год. Па словах аўтаркі, «Водападзел» падводзіць рысу пад пэўным пэрыядам яе творчасці.

Сур’ёзна-іранічныя паэтычныя тэксты натхнёныя роднымі для яе мясцінамі на Віцебшчыне, на Палессі, маюць прапіску на вуліцах Менска, дзе расла, жыла і творча кшталтавалася паэтка.

Уваход вольны! Прыходзьце па вершы ды аўтограф!