17 кастрычніка ў Бітлз-клубе “Чердачок” у Віцебску будзе прэзентаваны новы альбом гурта «Trubetskoy» «Magister bibendi» – віцяблян і гасцей горада чакае вялікі двухгадзінны канцэрт!
«Прайшоў год з моманту распаду “Ляпісаў» і стварэння нашага калектыву – распавядае фронтмэн гурта «Trubetskoy» Павел Булатнікаў. – За гэты год здарылася шмат чаго, і добрага, і дрэннага, і вясёлага, і сумнага. Але галоўнае, да чаго мы прыйшлі – нам больш не патрэбныя “мыліцы” ў выглядзе старых “Ляпісаўскіх” хітоў. Мы іх па-ранейшаму любім і прыносім прабачэнні ўсёй дзвіжусе Lyapis Crew – магчыма, частка фанаў спадзявалася, што мы яшчэ доўга будзем спяваць толькі “Еўпаторыю” і “Ты кінула”. Нажаль ці, хутчэй, на шчасце, няма. Гэтым кліпам мы развітваемся з «Ляпісамі», і ўдвая сімвалічна, што песню “Завершается игра” напісаў наш стары сябар, удзельнік аднаго з першых складаў “Ляпіса Трубяцкога” Аляксандр Ролаў, а эпічнае (не пабаюся гэтага слова) відэа зрабіў Аляксей Церахаў, аўтар самых знакавых “Ляпісаўскіх” кліпаў – ад “Ау” да “Воинов света”. Глядзіце, узгадвайце… Ну а ў каманды Trubetskoy хутка выйдзе дэбютны альбом, і пачнецца зусім іншая гісторыя “.
Першы поўнафарматны альбом гурта Trubetskoy, па словах прэс-аташэ групы Аляксандра Бергера, выйдзе ў кастрычніку і будзе складацца выключна з новых песень, якія раней не выдаваліся.
Першыя 50 квіткоў на канцэрт-прэзентацыю будуць прададзеныя па цане 200 000 рублёў, затым іх кошт стане ўзрастаць і дасягне 270000 рублёў за апошнія паўсотні.
Падрабязную інфармацыю можна даведацца ў адмысловай сустрэчы Вконтакте https://vk.com/tru_vtbsk або па тэлефоне інфалініі: +375 (29) 712-11-11, +375 (33) 309-33-88.
