Спектакль «Галасы Адысеі» ў Варшаве

6 і 7 чэрвеня, у суботу і нядзелю, BY THEATRE прэзентуе ў Варшаве спектакль «Галасы Адысеі».

«Галасы Адысеі» — спектакль, які паглыбляе гледачоў у паэму Гамэра «Адысея».

Падзеі тысячагадовай даўніны адлюстроўваюцца ў сучаснасці і будучыні, у свеце, поўным трывогі, міграцыі і пошуку свайго месца.

Гэта арыгінальны фізічны тэатральны спектакль, натхнёны вопытам бежанцаў і мігрантаў.

Стваральнікі задаюць пытанне: што такое «вяртанне дадому», калі дом перастае існаваць? А што такое дом?

Выбар. Адказнасць за наступствы выбару. Ідалапаклонства, таталітарызм.

Эпохі мінаюць, чалавечая прырода застаецца нязменнай.

Акцёрскі склад складаецца з выпускнікоў тэатральнай студыі BY TEATR — прафесіяналаў з Беларусі і Украіны, чый асабісты досвед надае спектаклю сапраўднасць.

Праз рух, бодзі-арт, арыгінальную музыку і сучасны дызайн асвятлення спектакль распавядае гісторыю вайны, выгнання, памяці і чалавечай патрэбы ў прыналежнасці.

Стваральнікі адмаўляюцца ад традыцыйнага тэксту на карысць «візуальнай паэзіі» — універсальнай мовы цела, зразумелай незалежна ад мовы ці паходжання гледача.

Старажытныя сімвалы набываюць сучаснае значэнне: Паліфем становіцца метафарай кантролю і прыгнёту, а Сірэны і Латафагі сімвалізуюць прапаганду і дэзінфармацыю.

Ці сутыкаліся вы калі-небудзь з чымсьці падобным?

Ці знойдзеце сябе ў гісторыях персанажаў?

А можа, вы проста дазволіце сабе акунуцца ў прыгажосць руху, вобраза і мастацтва — вырашаць вам.

Квіткі коштам 50 злотых бярыце па спасылцы.