У сераду, 12 кастрычніка, Сяргей Лескець ладзіць аўтарскую экскурсію па сваёй выставе «Шэпт» у Нацыянальным цэнтры сучасных мастацтваў.
Дата: 12 кастрычніка
Час: 18.30
Месца: НЦСМ, вул. Някрасава, 3, Мінск
Дзевяць гадоў таму Сяргей Лескець задумаў вялікае падарожжа ў свет беларускай вясковай магіі, і зараз яго праект з дапамогай фатаграфіі, відэа, гуку і аб’ектаў дапамагае гледачу далучыцца да старажытнай беларускай традыцыі.
Пра сваё падарожжа ў таямнічае спадар Сяргей і распавядзе падчас экскурсіі — і дапаможа вам здзейсніць вашае.
Наведаць экскурсію можна па квітку ў музей: 7 рублёў — поўны, 3 рублі — льготны.
Толькі не забудзьцеся зарэгістравацца па спасылцы!
