Абрад «Вешанне калодак» у Азярцы
02.03.2024
14:00 - 15:00
музей народнай архітэктуры і побыту
12 рублёў
У суботу, 2 сакавіка, у музеі народнай архітэктуры і побыту ў Азярцы спраўляюць абрад «Вешанне калодак».
Дата: 2 сакавіка
Час: з 14:00 да 15:00
Месца: музей народнай архітэктуры і побыту, Азярцо, Мінскі раён
Гэта адзін з самых цікавых масленічных звычаяў, якія існавалі ў беларускай вёсцы.
Такому выпрабаванню падвяргаліся маладыя хлопцы, якія доўга не жаніліся. Да іх прывязвалася «калодка» — з ёй яны павінны былі хадзіць па вёсцы. У некаторых рэгіёнах «калодку» вешалі жанчынам.
Той, хто не хацеў «цягаць калодкі», павінен быў адкупіцца грашыма або пачастункам.
У іншых мясцовасцях хлопцы, якіх прымусілі прымерыць «калодкі», павінны былі заходзіць у тыя дамы, дзе жылі незамужнія дзяўчыны і патрабаваць пачастунак.
Калі хлопец з «калодкай» не спыняўся каля дома такой дзяўчыны, гэта лічылася непавагай да яе. У якасці калодкі маглі выкарыстоўваць розныя прадметы — бервяно, селядзец, стужкі, паясы.
То прыязджайце ўзяць удзел у абрадавым абыходзе двароў!
Вас чакае:
Абрад «Вешанне калодак»;
Майстар-клас па масленічным спевам;
Майстар-клас па вырабу паяскоў;
Майстар-клас па выцінанцы;
Народныя танцы і гульні.
Прыходзьце за 15 хвілін да пачатку абрада!
Кошт квіткоў:
для дарослых — 12 рублёў; студэнтаў ды школьнікаў — 6 рублёў; для дашкольнікаў — бясплатна.
