закрыць
Мінск Іншае

Адкрыццё выставы Андрэя Асташова “Дзявочы Дазор”

16.01.2015 19:00 - 21:00 Нацыянальны мастацкі музей (вул. Леніна, 20) Бясплатнае

16 студзеня 2015 года а 17й гадзіне адбудзецца адкрыццё выставы скульптуры і графікі Андрэя Асташова (нар. 1970) “ДзявочыДазор”.

Сучаснае прачытанне класічнай скульптуры з бронзы, маштабныя фігуры выдатных дзяўчын-ваяўніц, каляровая графіка і незвычайны аўтарскі падыход да разумення жаночай сутнасці ў навакольным свеце – усім гэтым дзеліцца з гледачом вядомы беларускі мастак.

Адначасова з адкрыццём персанальнай выставы аўтар перадае ў дар дзесяць скульптур з серыі “Дзеці”, створанай у 2011 годзе.

Яшчэ адна асаблівасць гэтай выставы ад звыклых музейных экспазіцый – магчымасць дакрануцца да некаторых твораў, адчуць паверхню матэрыялу. З дазволу аўтара і музея яны будуць даступныя наведвальнікам для тактыльнага агляду.

Дарэчы сказаць, Андрэй Асташоў сёння – першы айчынны скульптар, які прадставіў сучаснае мастацтва Беларусі ў прэстыжных залах Дзяржаўнага Рускага музея ў Санкт-Пецярбургу ў 2013 годзе. У тым жа годзе стаў уладальнікам прэміі ў галіне мастацтва “Вера” ў намінацыі “За шырыню задумы і грандыёзнасць увасаблення” па выніках VII Маскоўскага міжнароднага фестывалю мастацтваў “Традыцыі і Сучаснасць”.

У музейнай краме можна набыць каляровы каталог твораў майстра.

 

дадаць у google каляндар

Вам можа быць цікава

Выстава «Музей — гэта мы!» у Мінску

01.04.2026 17:00 - 15.07.2026 19:00 музей Максіма Багдановіча (вул. Багдановіча, 7а)
Мінск Выставы

Выстава «Каб адчуваць» ў Гомелі

09.04.2026 19:00 - 07.06.2026 17:00 Палац Румянцавых і Паскевічаў (пл. Леніна, 4)
Гомель Выставы

Выстава Вольгі Савіч «Маўчанне» ў Мінску (16+)

15.04.2026 18:00 - 09.05.2026 18:00 Музей-майстэрня Заіра Азгура (вул. Азгура, 8)
Мінск Выставы

Palina ў Ерэване

10.05.2026 (20:00 - 22:00) Tonelab (Koryun Street, 19A/35)
Канцэрты

Апошняе
на Budzma.org

чытаць яшчэ

Папулярнае

чытаць яшчэ

Важнае пра нас

© 2008-2025, Budzma.org