13 сакавіка ў 13.00 ў гімназіі №75 адкрыецца выстава пад назвай “13” Рыгора Таболіча. На ёй будзе прадстаўлена 13 прац мастака, бацькі вядомага беларускага металіста Алеся Таболіча.
“Так атрымалася, што зараз на дварэ 13-ы год. 13 сакавіка я нарадзіўся. У 13 гадзін адкрываецца выстава, — тлумачыць мастак сэнс назвы выставы. – Да таго ж, гэта 13 прац розных перыядаў. Тут ёсць і больш рэалістычныя працы, і больш постмадэрнісцкіх напрамкаў. Тэматыка іх, у асноўным, звязана з гісторыяй і з сям’ёй”.
Наведаць выставу можна па адрасе Свярдлова, 30 цягам бліжэйшага месяца.
Маша Калеснікава, euroradio.fm
