закрыць
Мінск Іншае

Адкрытая лятучка з камандай Жывой Бібліятэкі

25.02.2019 19:00 - 19:00 Прэс-клуб (вул. Веры Харужай 3, офіс 601) Удзел вольны

25 лютага а 19:00 запрашаем на Адкрытую лятучку з камандай Жывой Бібліятэкі.

“Жывая Бібліятэка” – гэта незвычайная бібліятэка. Тут замест звыклых нам кніг выступаюць жывыя людзі са сваімі гісторыямі, якія гатовыя адказваць на любыя пытанні чытачоў.

Каманда распачала працу восенню 2014, а летам 2017 зарэгістравалася як Цэнтр развіцця эфектыўнай камунікацыі “Жывая Бібліятэка”.

Акрамя сустрэч з жывымі кнігамі, каманда ладзіць асветніцкія мерапрыемствы: шчырыя размовы, сацыяльныя гульні. Таксама ініцыятыва вучыць зацікаўленых самім праводзіць “Жывыя Бібліятэкі”, працуе ў рэгіёнах, распачала працу ў сферы даступнасці і інклюзіі.

На сустрэчы вы даведаецеся, як з’явілася ідэя, як зараз працуе каманда, ці лёгка стаць “Жывой Кнігай”.

А таксама чаму карысна супрацоўнічаць з іншымі НКА, навошта даследаваць даступнасць публічных прастораў і яшчэ шмат чаго цікавага.

На лятучцы будуць:

Марына Штрахава, заснавальніца, старшыня Праўлення;

Марыя Лукашук, заснавальніца, дырэктарка ўстановы;

Зміцер Радзіеўскі, сябра Праўлення, каардынатар працы з рэгіёнамі;

Ганна Марзан, сябра Праўлення, каардынатарка “Жывых Бібліятэкаў”;

Меліса Найт, каардынатарка працы з валанцёрамі;

Люба Ланіна і Ксюша Сырамалот, адказныя за сацыяльныя сеткі.

Падзея будзе цікавая тым, хто працуе ў НКА, медыя і ўсім прыхільнікам праекта.

Уваход на лятучку вольны пры ўмове рэгістрацыі на сайце Прэс-клуба. Цісніце чырвоную кнопку і дадавайце падзею ў гугл-каляндар.

дадаць у google каляндар

Вам можа быць цікава

Свята «З народзінамі, Марк!» у Віцебску

07.07.2025 (17:00 - 19:00) дом-музей Марка Шагала (вул. Пакроўская, 11)
Віцебск Іншае Вечарыны

Канцэрт памяці Алеся Пушкіна ў Празе

11.07.2025 (18:00 - 20:00) Dům národnostních menšin (Vocelova 602/3)
Прага Канцэрты

Апошняе
на Budzma.org

чытаць яшчэ

Папулярнае

чытаць яшчэ

Важнае пра нас

© 2008-2025, Budzma.org