Клуб інтэлектуальнага адпачынку «Факультатыў» запрашае на літаратурны сняданак з Ганнай Севярынец, прысвечаны гэтым разам беларускаму тэатру.
Дата: 26 лютага
Час: 10.00
Месца: бізнэс-цэнтр «Тэрмінал», вул. В. Харужай, 25 к. 3, Мінск
Захапляльная гісторыя беларускага тэатра — сама па сабе і драма, і трагедыя, і камедыя. Як і адкуль узяліся на Беларусі акторы і рэжысёры, чым і як зараблялі на пражыццё, дзе ў Менску можна было сустрэць сапраўдную зорку сусветнай сцэны і пры чым тут прыгажуні ў бігудзі — пра гэта і не толькі пра гэта пойдзе гаворка на літаратурным сняданку.
Каб падрыхтавацца да яго, ўдзельнікам прапануецца прынемці праграмку аднаго з беларускіх спектакляў, наведанных апошнім часам, і распавесці пра свой крытычны досвед.
Вядучая сустрэчы — Ганна Севярынец, педагог, літаратуразнаўца, пісьменніца, аўтарка кніг «Дзень святога Патрыка», «Гасцiнiца Бельгiя» і інш.
