“Адлюстраванні – Отражения”

Літаратурны музей Максіма Багдановіча запрашае ўсіх аматараў творчасці паэта азнаёміцца з вынікамі дзіцячага конкурса малюнкаў “Адлюстраванні – Отражения” і наведаць выстаўку-прэзентацыю лепшых мастацкіх работ удзельнікаў праекта.

Папулярызацыя творчасці беларускага класіка Максіма Багдановіча, жыццё і дзейнасць якога цесна звязаны з Яраслаўлем, з’яўлялася асноўнай падставай для арганізацыі і правядзення міжнароднага конкурса дзіцячых малюнкаў “Адлюстраванні – Отражения”, прысвечанага зборніку  вершаў Максіма Багдановіча “Вянок”. Адметнасць праекта ў тым, што праводзіўся ён сумесна з Мемарыяльным домам-музеем Максіма Багдановіча ў Яраслаўлі, а бралі ўдзел у конкурсе маленькія грамадзяне Беларусі і Расіі.

Мерапрыемства завершыцца літаратурна-музычнай імпрэзай “Усе мы разам ляцім да зор”, прымеркаванай да 100-годдзя напісання Максімам Багдановічам верша “Я хацеў бы спаткацца з Вамі на вуліцы”, які з’яўляецца адным з самых яскравых у позняй лірыцы Максіма Багдановіча.

Паэзія Максіма Багдановіча ў гэты вечар будзе гучаць разам з творамі вядомых мастакоў слова. У імпрэзе бяруць удзел: Аляксей Галіч, Тоня Вярцінская, Уладзімір Дрындрожык і інш.

Прэзентацыя дзіцячых малюнкаў і літаратурна-музычная імпрэза  адбудуцца 25 лютага 2015 года ў 16.00.

Адрас: Літаратурны музей Максіма Багдановіча, вул. Максіма Багдановіча, 7а.

Тэлефон для даведак: 8(017) 334 07 61