Адукацыя ў эпоху робатаў: панэльная дыскусія
08.06.2016
19:00 - 21:00
Бізнес-клуб Imaguru (вул. Фабрыцыюса 4)
Бясплатнае
8 чэрвеня, серада
19:00-21:00
Бізнес-клуб Imaguru
Уваход вольны (патрэбная рэгістрацыя)
Фармальная адукацыя, якая не паспявае за сучаснасцю, – не толькі беларуская праблема. Як мусіць выглядаць адукацыя ў эпоху “Вікіпедыі” ды робатаў? Што змянілася за апошнія 20 год і чаму вучыцца сёння трэба інакш? Як нам гэта зрабіць у Беларусі?
Анлайн-часопіс “Ідэя” запрашае на панэльную дыскусію, на якой прафесіяналы-практыкі распавядуць: ці можна рабіць у Беларусі адукацыю будучыні ды з чаго можна пачаць ужо сёння?
Спікеры:
Чаму дзеці мусяць умець праграмаваць – Антон Сідараў, трэнер курсаў праграмавання для дзяцей Imaguru.
Антон навучае дзяцей ды падлеткаў мове праграмавання Scratch, якую распрацавалі ў Масачусецкім тэхналагічным інстытуце, а таксама праз сусветна вядомую гульню Minecraft. Ён распавядзе, чаму дзецям трэба вучыцца кадаваць і як гэта дапаможа ім стаць будучымі Біламі Гейтсамі ды Іланамі Маскамі.
Як пераасэнсаваць адукацыю? – Вольга Паддубная, адукатарка, сябра пулу трэнераў Рады Еўропы.
Чаму сёння дзецям так нецікавая школа, а дарослыя не разумеюць, дзеля чаго яны губляюць сваё жыццё на чарговай лекцыі ці семінары? Што з гэтым усім рабіць ды дзе хаваецца новая надзея, пра гэта раскажа Вольга.
Што трэба ведаць, каб разумець сучасны свет лепш за іншых – Аляксей Братачкін, кіраўнік канцэнтрацыі “Публічная гісторыя” ECLAB.
Аляксей распавядзе, чаму навука ў European College of Liberal Arts in Belarus дапамагае зразумець сучаснае грамадства значна лепей, чым лекцыі ў звычайным універсітэце, і як гэтыя веды выкарыстоўваць у паўсядзённым жыцці.
Госці запрашаюцца рыхтаваць пытанні да выступоўцаў.
Уваход вольны пасля папярэдняй рэгістрацыі (колькасць месцаў абмежаваная!) – http://goo.gl/forms/mXXCajP3mjPu3IRa2
Група ў “Фэйсбуку” –
https://www.facebook.com/events/630236807132631
Група ва “УКантакце” –
https://vk.com/event122053629
Анлайн-часопіс Ідэя прысвечаны міжнароднай палітыцы і эканоміцы. Часопіс імкнецца паказаць беларусам найлепшыя эканамічныя і сацыяльныя практыкі замежжа, а таксама магчымасці Беларусі ў свеце. Мы ладзім адкрытыя лекцыі з адметнымі беларускімі бізнесоўцамі, а таксама прадстаўнікамі акадэмічных інстытутаў і міжнародных арганізацыяў.
