Алесь Камоцкі – “Канцэрт для сяброў”

Канцэрт беларускага музыканта і кампазітара Алеся Камоцкага адбудзецца 25 лютага на сцэне Рэспубліканскага тэатра беларускай драматургіі.

Алесь Камоцкі – сталы і мудры рамантык, аўтар і выканаўца песень, якія можна лічыць і бардаўскімі, і босса-новай, і папулярнай музыкай для дарослых. Носьбіт сваіх уласных, вельмі важных для сучаснага слухача беларускіх традыцый, мяккі і зразумелы, з пранікнёным голасам, пяючым нетаропкія, душэўныя, чыстыя гісторыі. Дыскаграфія Алеся Камоцкага налічвае ўжо 12 альбомаў, якія маюць свайго аматара, свайго слухача. Першы з іх выйшаў яшчэ у 1986 годзе, а самы новы – “Час”, запісаны летам 2012 года, разам з ужо знаёмымі слухачам песьнямі Алеся прадстаўлены у концертнай праграме “Канцэрт для сяброў”.

Выдатныя музыкі на сцэне (Таццяна Беразоўская – перкусія, Аляксандр Віслаўскі – клавішныя, вакал, перкусія, Алена Віслаўская – скрыпка, Алег Змушка – гітара, Анатоль Лабанок – кантрабас) ствараюць сапраўднае сьвята прыгожай музыкі. Асаблівы настрой блізкасьці і ўтульнасьці, сапраўдная паэзія – сучасная, але вельмі блізкая і зразумелая, з тонкім пачуцьцём гумару, і вельмі родная для любога беларускага слухача – гэта менавіта тое, што чакае вас на канцэртах Алеся Камоцкага.

• Пачатак у 19:00.
• Працяг- 1г.20 хв.
• Тэлефон для даведак : +375 17 237-46-56.