Інтэрнэт-праект «Беларускі архіў вуснай гісторыі» МГА «Гісторыка» і ГА «Дыярыуш» запрашаюць усіх зацікаўленых на семінар па вуснай гісторыі.
Семінар правядуць вядомыя гісторыкі: Алесь Смалянчук, доктар гістарычных навук, супрацоўнік Інстытута славістыкі Польскай акадэміі навук, а таксама, Вольга Іванова, кандыдат гістарычных навук, архівіст.
На сустрэчы вы зможаце даведацца пра прынцыпы і асаблівасці збора вуснагістарычных матэрыялаў з вучнямі, магчымасці выкарыстання відэа- і аўдыёзапісаў інтэрв’ю сведкаў часу на школьных занятках (кожны ўдзельнік атрымае дыск з метадычнымі напрацоўкамі). Акрамя таго, мы прапануем вам пазнаёміцца з асноўнымі этапамі апрацоўкі і архівізацыі вусных успамінаў.
Іншагароднім удзельнікам будзе аплочаны праезд і пражыванне (паведаміць пра неабходнасць начоўкі трэба да 01.04 на кантактны мэйл). Месца правядзення будзе паведамлена пасля рэгістрацыі заяўкі. Пачатак мерапрыемства а 17 гадзіне
Чакаем вашыя заяўкі на ўдзел да 10 красавіка на адрас konkurs@nashapamiac.org . Усе пытанні вы можаце задаць па тэлефонах: 8 029 397 52 15 (Вольга), 8 029 358 31 84 (Павел)
