ПАДЗЕЯ ДНЯ: Анлайн-гутарка з Алінай Дзеравянка

Пачатак: 12.05 (18:00)
Канец: 12.05 (19:30)
анлайн

12 траўня праект «Спадчына як кісларод» ладзіць чарговую анлайн-гутарку аб тым, як у наш зменлівы час ствараць і рэалізаваць паспяховы культурны праект. Гэтым разам госця — Аліна Дзеравянка, аўтаркай і менеджаркай культурных праектаў, намесніцай дырэктара па праектах Фонда развіцця Брэсцкай крэпасці (2013-2021).

Дата: 12 траўня

Час: 18.00 (час мінскі)

Месца: Zoom

У 2019 г. Фонд развіцця Брэсцкай крэпасці прыдумаў праект па стварэнні трансгранічнага веламаршрута з мабільным дадаткам Velofort па фартах Брэсцкай крэпасці ў Беларусі і Польшчы — пераважна пра гэты кейс і пойдзе размова.

Ідэя праекта ў тым, што Брэсцкая крэпасць — гэта не толькі мемарыяльны комплекс, але і трансгранічны аб’ект з двума коламі фартоў.

Што ўдалося зрабіць у перыяд пандэміі і закрытых межаў? Які досвед каманда выняла з рэалізацыі праекта? Хто сёння карыстаецца яго вынікамі? Паспрабуем знайсці адказы на гэтыя і іншыя не менш хвалюючыя пытанні.

Далучайцеся — і да хуткай сустрэчы ў эфіры!

Для ўдзелу не забывайцеся рэгістравацца па спасылцы.