Анлайн-лекцыя «Алхімія рэпрэзентацыі: знакі, рэчы і іх суадносіны»

Пачатак: 24.02 (19:00)
Канец: 24.02 (20:30)
анлайн

24 лютага Беларускі Калегіюм ладзіць анлайн-лекцыю «Алхімія рэпрэзентацыі: знакі, рэчы і іх суадносіны».

Дата: 24 лютага

Час: 19.00 (час мінскі)

Месца: ZOOM

Як суадносяцца мова і рэчаіснасць? Ці сапраўды словы «называюць» прадметы навакольнага свету? Што сабой уяўляе семантычная «анатомія» моўнага знака і як мы на самой справе перадаём інфармацыю з дапамогай маўлення?

Арганізатары запрашаюць паразважаць над гэтымі пытаннямі разам з лінгвісткай і паэткай, якая вырашыла гэтым разам выступіць пад псэўданімам «спадарыня К.», г.зн. быць прадстаўленай публіцы праз сваю маску.

Рэгістрацыя па спасылцы. Будзе арганізаваная трансляцыя на старонцы Беларускага Калегіюма ў Facebook.