Анлайн-лекцыя «Рэвалюцыя, якую чакаюць 30 год: ці зменіць свет інтэгральная фатоніка?»

Суполка беларускіх вучоных розных накірункаў працягвае адукацыйныя лекцыі і 15 траўня ладзіць анлайн-лекцыю па оптыцы і фатоніцы. Лектар — Яўген Сокалаў, вучоны, які больш за дзесяць гадоў працуе ў гэтай галіне.

---

Дата: 15 траўня

Час: 21.00 (час мінскі)

Месца: Zoom па спасылцы

Больш за паўстагоддзя таму простая ідэя спалучыць розныя электронныя элементы на адной мікрасхеме змяніла наш свет: гэта дазволіла зменшыць памер камп’ютараў, а іх хуткасць павялічыць у тысячы разоў. Ці можа быць гэткім жа паспяховым аналагічны падыход у дачыненні да аптычных прыладаў?

Падчас лекцыі вы даведаецеся:

— Чаму электронныя інтэгральныя мікрасхемы маюць такі поспех?

— Чаму святло лепшае за ток і чым фатонныя інтэгральныя мікрасхемы адрозніваюцца ад электронных?

— У якіх сферах фатонныя інтэгральныя мікрасхемы ўжо паспяхова выкарыстоўваюцца?

— Як сёння выглядае экасістэма распрацоўкі фатонных інтэгральных мікрасхем?

— Якая будучыня фатонных інтэгральных мікрасхем і ці здольныя яны рэвалюцыйна змяніць наш свет?

 Лекцыя адбудзецца на беларускай мове.

Далучайцеся!