У аўторак, 27 снежня, каханенькія-родненькія Купалаўцы прэзентуюць электронную кнігу «Kupalaucy: Kuo vadis?», заключную частку комплекснага беларуска-нямецкага праекта «Kupalaucy: Kuo Vadis?»
Дата: 27 снежня
Час: 20.00 (час мінскі)
Месца: платформа webex
Гэта зборнік з трох новых п’ес на беларускай мове і ў перакладзе на нямецкую мову:
«Шэпт» Сяргея Лескеця;
«Гiсторыя ўцякачкі. Я вярнуся?» Ганны Златкоўскай;
«Свята кабана» Аляксандра Чарнухі.
Напісаныя яны на аснове літаратурнага матэрыялу і кніг гэтых аўтараў.
Розныя па рытме і тэматыцы, п’есы адлюстроўваюць, з аднаго боку, хвалюючыя сёння беларусаў пытанні, а з другога, раскрываюць універсальныя тэмы: містыка i пошук каранеў, цяжкі досвед міграцыі, і абсурднасць закасцянелай бюракратыі.
Акрамя таго, у зборнік уключаны аўтарскія эсэ, напісаныя нямецкімі і беларускімі спецыялістамі ў сферы тэатра, прысвечаныя тэмам тэатра ў крызісе, беларускага тэатра ў выгнанні, досведу міжнароднага супрацоўніцтва ў сферы мастацтва.
То далучайцеся да прэзентацыі ў адмысловы час па спасылцы!
