Анлайн-семінар «Археалогія Беларусі за мяжой: праблемы інкарпарацыі беларускіх даследчыкаў у цэнтральнаеўрапейскія навуковыя працэсы»
Пачатак: 19.09 (16:00)Канец: 19.09 (19:00)
19 верасня ўсе жадаючыя запрашаюцца на анлайн-семінар «Археалогія Беларусі за мяжой: праблемы інкарпарацыі беларускіх даследчыкаў у цэнтральнаеўрапейскія навуковыя працэсы».
Дата: 19 верасня
Час: 16:00 (час па Варшаве)
Месца: zoom
У межах семінару запланаванае абмеркаванне наступных пытанняў:
— найноўшыя адкрыцці ў археалагічным вывучэнні Беларусі;
— праблемы ажыццяўлення навуковай дзейнасці ва ўмовах адсутнасці доступу да беларускіх архіваў і музейных збораў;
— праблемы інтэграцыі беларускіх археолагаў у цэнтральнаеўрапейскую навуковую супольнасць і асаблівасці інкарпарацыі ў рэгіянальныя даследчыцкія супольнасці, пашырэнне ведаў аб археалогіі і старажытнай гісторыі Беларусі ў цэнтральнаеўрапейскіх даследчыцкіх асяродках,
— арганізацыя падрыхтоўкі маладых спецыялістаў у галіне археалогіі ў вышэйшых навучальных установах Цэнтральнай Еўропы.
Каардынатар семінару — доктар гуманітарных навук Мікалай Плавінскі.
Удзельнікі:
Вадзім Белявец, доктар гуманітарных навук
Паміж Germania і Sartatia: да вывучэння археалагічнай спачныны зямель сучаснага беларуска-польскага памежжа ў ІІІ ст. да н.э. — VІ ст. н.э.
Ірына Мароз
Арганізацыя сістэмы аховы помнікаў на тэрыторыі паўночна-заходніх ваяводстваў Другой Рэчы Паспалітай.
Мікалай Плавінскі, доктар гуманітарных навук
Вядомая і невядомая археалагічная спадчына: матэрыялы з сярэднявечных пахавальных помнікаў Заходняй Беларусі ў зборы Дзяржаўнага археалагічнага музея ў Варшаве.
Тарасевіч Вікторыя
Беларусь & Польшча: асоба і дзейнасць археолага Сяргея Дубінскага (1884–1937) як прыклад супольнай спадчыны дзвюх краін.
