Антываенны пікнік узаемадапамогі ў Берліне
Пачатак: 09.07 (17:00)Канец: 09.07 (21:00)
(Берлін , Am Schloßpark 20)
9 ліпеня беларусы Берліна збіраюцца на трэці антываенны пікнік «PICKNICK GEGEN DEN KRIEG».
Дата: 9 ліпеня
Час: 17.00 (час мясцовы)
Месца: Am Schloßpark 20, Берлін
Гэта пікнік для новапрыбылых людзей, якія асуджаюць расійскую агрэсію ва Украіне, а таксама для ўсіх, хто гатовы дапамагаць бежанцам, перасяленцам і рэлацыраваным.
Збіраюцца ў давернай атмасферы, каб пазнаёміцца адзін з адным, абмяняцца парадамі, падтрымаць адзін аднаго з пошукам працы, кватэры, афармленнем дакументаў і інш.
Месца сустрэчы — у 10 хвілінах пешшу ад S-Bahnhof Pankow, шукайце «Musikschule Béla Bartók».
Прыносьце напоі, ежу, кілімкі, карысную інфармацыю для абмену, прыводзьце сяброў! Прыходзьце са сваім посудам, каб не засмечваць навакольнае асяроддзе аднаразовым пластыкам.
Калі ж вы хочаце дапамагчы з падрыхтоўкай да пікніка, то прыходзьце раней, а 16-й да сэканд-хэнду «Neuer Tag — Neues Glück» побач з паркам.
Арганізатары пікніка — «Demokrati-JA».
Уваход вольны!
