З 18 чэрвеня па 18 верасня ў 12 гарадах і мястэчках Беларусі пройдзе фестываль акадэмічнай арганнай музыкі «Ars Magna Organi». Адбудзецца 54 канцэрты!
Дата: з 18 чэрвеня па 18 верасня
Месца: гарады і вёскі Беларусі
Падчас фэсту можна паслухаць 6 гістарычных арганаў у Пінску, Мядзведзічах, Гродне, Мсцібаве, Лідзе ды Ваўкалаце, 2 сучасныя арганы у Віцебску ды ў Міёрах, 2 электронныя арганы ў Гродне ды ў Наваполацку.
У касцёлах Пінска, Мядзведзічаў, Мсцібава, Гродна, Ліды, Лельчыц, Ваўкалаты, Міёраў і Наваполацка уваход для слухачоў канцэртаў будзе вольны.
Ядро фестывалю — 18 бясплатных супольных канцэртаў на аргане 1836/1936 года ў Пінскім Кафедральным касцёле.
Большая частка фінансавання канцэртаў — сродкі, адпісаныя на фестываль Юрыем Зісерам.
Глядзіце праграму па спасылцы ды складайце маршрут вандровак, каб паслухаць розныя беларускія арганы!
