“Архіў і сучаснае мастацтва”. Прэзентацыя мастачкі Настассі Колас

20.11.2015 19:00 - 21:00 Галерэя сучаснага мастацтва "Ў" (пр-т Незалежнасці, 37А) Бясплатнае

Асноўныя пытанні дыскусіі:

Як час уплывае на інтэрпрэтацыю мінулага ў кантэксце цяперашняга?

Як новыя метады і тэхналогіі ўдзельнічаюць у працэсе архівацыі?

 

У галерэі сучаснага мастацтва “Ў” адбудзецца выстава Настассі Колас “Натуральныя прычыны”. Як у сваіх працах наогул, так і ў стварэнні гэтай канкрэтнай экспазіцыі мастачка ўжывае сучасныя медыі і прынцып калажу. Гэта сінтэтычны праект, які ўключае ў сябе інсталяцыі і відэа-творы. Яго адпраўным пунктам паслужыў сямейны архіў, пашкоджаныя дакументальныя стужкі Настассінай бабулі, кінарэжысёра Алены Колас – своеасаблівыя мнеманічныя сямейныя рэчы, якія Настасся выкарыстоўвае як рэдзі-мэйд. У сваёй працы яна разважае над зніклівасцю ўсяго матэрыяльнага, над часовай сутнасцю любога архіву. Сярод галоўных пытанняў праекту “Натуральных прычын”: Як з дапамогаю тэхналогіяў ці інтэрпрэтацыі гісторыя можа быць змененая, перапісаная, дапоўненая? Як можна знайсці раўнавагу паміж катэгорыямі самасці, памяці, цяперашняга, будучага, інавацыяў і прадуктыўна ўзаемадзейнічаць з гісторыяй?

Настасся Колас нарадзілася ў 1980 годзе ў Мінску, жыве ў Нью Йорку.

Мастачка інтэрдысцыплінарнага кірунку, працуе ў жанры відэа- і аўдыаінсталяцыі.

Скончыўшы Беларускі рэспубліканскі каледж мастацтваў і Універсітэт Раерсана ў Таронта, Анастасія распачала кар’еру ў модзе. Некалькі гадоў працавала ў Парыжы і Лондане, а ў 2008 пераехала ў Нью-Йорк, дзе і засяродзілася на працы ў сферы мастацтва і новых медыяў. Анастасія з’яўляецца кандыдатам на магістарскую ступень у Bard College Milton Avery School of The Arts. Выстаўлялася на Loop Video Art Festival у Барселоне, Forest Fringe у Эдынбургу, Anthology Film Archives і NEWD Art Show у Нью-Йорку.

“Натуральныя прычыны” яе першая персанальная выстава.

Мы ўдзячны за падтрымку Канадскаму Савету па справах мастацтваў, які ў мінулым годзе інвеставаў 153 мільёны даляраў на распаўсюд мастацтва канадцаў лакальна і інтэрнацыянальна.


Вам можа быць цікава

Сустрэча з праектам «о(б)суждаем» у Варшаве

12.07.2025 (20:00 - 22:00) Sky Hall Warszawa, Spektrum Tower (28 паверх), (Twarda 18,)

Фэст «Дукорская брама» ў Дукоры

13.07.2025 (13:00 - 19:00) Дукорскі маёнтак (вул. Школьная, 12)

Ідрак Мірзалізадэ ў Варшаве

16.07.2025 (20:00 - 22:00) беларускі клуб Stand Up Lokal (Noakowskiego 16,)

J:МОРС у Сан-Францыска

03.08.2025 (18:00 - 20:00) Chez Nous Café (2159 Roosevelt Ave)

Апошняе
на Budzma.org

чытаць яшчэ