Нацыянальны цэнтр сучасных мастацтваў запрашае дзяцей (9+) на творчыя заняткі «Азбука пачуццяў».
Дата: 12 і 26 лютага
Час: 15.00
Месца: зала «Скарбонка», Нацыянальны цэнтр сучасных мастацтваў, пр-т Незалежнасці, 47, Мінск
Кожны занятак па курсе «Азбука пачуццяў» уключае ў сябе тэарэтычную і практычную частку — творчыя гульні з элементамі арт-тэрапіі і напісанне эсэ.
Дзетак чакае знаёмства з творамі мастакоў, жанрамі і стылямі ў выяўленчым мастацтве ў кантэксце гістарычных эпох, а таксама размовы пра мастацтва і яго ролю ў жыцці чалавека.
Тэмы заняткаў прысвечаны адказам на пытанні:
— Пра што гавораць з намі творы мастацтва розных эпох?
— Як выяўленчае мастацтва дапамагае нам здабыць гармонію і раскрыць уласны талент?
— Якім чынам спазнанне свету мастацтва ўплывае на паразуменне ў сям’і?
Аўтарка і выкладчыца — Наталля Жыгамонт, мастачка, арт-тэрапеўтка, педагог, член саюза мастакоў Беларусі, член Нацыянальнай асацыяцыі для развіцця арт-тэрапеўтычнай навукі і практыкі «Арт-тэрапеўтычная асацыяцыя» (Расія).
Колькасць удзельнікаў у групе: ад 6 да 10 чалавек.
Кошт занятка — 10 рублёў.
Колькасць месцаў абмежаваная. Для ўдзелу неабходна зарэгістравацца па нумарах +375 29 346 18 67; +375 17 235 03 31.
