У нядзелю, 19 лістапада, Нацыянальны цэнтр сучасных мастацтваў запрашае на новы аrtist-talk з мастачкамі Лізай Янковай, Мартай Шчэрбіч і Анастасіяй Чадзій.
Дата: 19 лістапада
Час: 14.00 (час мясцовы)
Месца: НЦСМ, пр-т Незалежнасці, 47, Мінск
На выставе ёсць творы, дзякуючы якім вы зможаце бліжэй пазнаёміцца з творчасцю аўтарак, зазірнуць у свет успамінаў, творчых разважанняў і пераасэнсавання асабістага досведу.
Дыптых Лізаветы Янковай «Чароўная прастора зямнога жыцця» — гэта жывапіс, напоўнены архетыпічным сімвалізмам і незвычайнымі аўтарскімі персанажамі.
Двухметровае палатно Марты Шчарбіч «Калейдаскоп» пераносіць нас у дзіцячыя ўспаміны аўтара. Сумесныя паходы з мамай на Камароўку трансфармуюцца ў галерэю вобразаў, у якіх кожны знойдзе нешта сваё.
Цыкл «Палессе» Анастасіі Чадзій распавядае пра родны край мастачкі, унікальную культурную спадчыну Беларусі. На працах — члены сям’і, элементы нацыянальнага касцюма і традыцыйнай драўлянай архітэктуры.
У фармаце artist-talk абмяркуюць са спадарынямі Анастасіяй, Мартай і Лізаветай іх творчасць і аўтарскі стыль, перспектывы ў працы і погляды на сучаснае мастацтва і творчасць калег.
Уваход — па квітку ў музей: 7 рублёў поўны, 3 рублі льготны.
Рэгіструйцеся па спасылцы.
