Асцярожна, кветкі распускаюцца! – Выпускны ў Школе пісьменніка
Пачатак: 10.06 (18:30)Канец: 10.06 (19:00)
Літаратурны музей Петруся Броўкі
10 чэрвеня (пятніца) пройдзе выпускны вечар у Школе маладога пісьменніка пры ГА “Саюз беларускіх пісьменнікаў” у музеі Петруся Броўкі (Мінск, вул. К. Маркса, 30).
Выпускнікі і выпускніцы раскажуць пра страчанае і набытае ў Школе, а выкладчыцы і куратаркі пра свой досвед працы з чацвёртым наборам ШМП.
У праграме:
- Літаратурныя чытанні
- Уручэнне сертыфікатаў аб заканчэнні
- Настальгічныя ўспаміны пра навучанне
- Сяброўскія ўсмешкі і абдымкі
Пачатак ― у 18.30.
Уваход вольны. Асабліва чакаем патэнцыйных навучэнцаў Школы маладога пісьменніка. Не ўпусціце магчымасць параіцца з вучнямі Школы наўпрост.
Асаблівы дрэс-код ― чырвоная кветка-бутаньерка.
Пра Школу:
Школа маладога пісьменніка працуе з 2012 г. як нефармальны адукацыйны праект для дарослых ад 18 гадоў, сертыфікат аб яе заканчэнні не замяняе дыплома афіцыйных навучальных устаноў.
Падаць заяўку ў Школу можна да 15 жніўня.
Прэс-служба ГА “Саюз беларускіх пісьменнікаў”
