23 верасня Дукорскі маёнтак запрашае на свята Багач. Тут можна стаць удзельнікам абраду «Багач», паўдзельнічаць у майстар-класах па танцах, пазнаёміцца з традыцыйнымі рамёствамі, паслухаць музыкаў, пачаставацца беларускімі стравамі!
Дата: 23 верасня
Час: з 12.00 да 17.00
Месца: Дукорскі маёнтак, вул. Школьная, 12, аг. Дукора, Пухавіцкі раён, Мінская вобл.
У праграме:
12.00 — Аглядная экскурсія па музеі і вуліцы майстроў;
13.00 — Адкрыццё свята: частаванне дукорскай гарэлкай, гульні і забаўкі ад Вядоўцы;
13.30 — Абрад «Багач» пры ўдзеле гасцей;
14.00 — Майстар-клас па традыцыйных танцах у суправаджэнні беларускіх музычных інструментаў;
14.40 — Традыцыйныя спевы і музыка;
15.10 — Забаўкі і падарункі ад вядоўцы;
15.30 — Фрагмент вясельнага абрада — збіранне нявесты;
15.40 — Народныя гульні і танцы ў суправаджэнні жывой музыкі;
16.10 — Традыцыйныя спевы і музыка;
16.50 — Частаванне беларускімі стравамі, закрыццё свята.
Таксама гасцей свята чакаюць бясплатныя:
майстар-клас па выцінанцы, ткацтве, вышыўцы,
майстар-клас па гатаванні стэйка па-радзівілаўскі
мінілекцыя ад майстра музычных інструментаў
частаванне традыцыйнамі стравамі.
А яшчэ ладзяць конкурс на самы вялікі ГАРБУЗ! Хто прывязе сапраўднага волата сярод гарбузоў, атрымае літровую бутэльку Дукі! Уся гародніна пасля пойдзе на пачастуначкі жыхарам заасаду.
Квіткі: дарослыя — 25 рублёў, дзеці — 15 рублёў, да 7 год — бясплатна.
Даведкі па тэлефонах +375 (44) 707-77-64,+375 (33) 357-77-64 а таксама на сайце dukora.by.
