Беларуская музейная лабараторыя «Стварэнне беларускіх лічбавых калекцый: вопыт ініцыятыў і пошук сродкаў» у Варшаве

У панядзелак, 29 верасня, у Музеі Вольнай Беларусі адбудзецца практычная сесія Беларускай музейнай лабараторыі «Стварэнне беларускіх лічбавых калекцый: вопыт ініцыятыў і пошук сродкаў». 

Вы пазнаёміцеся з досведам беларускіх культурніцкіх арганізацый замежжа па стварэнні сваіх электронных калекцый, вызначым ключавыя праблемы і дасягненні ў гэтым працэсе. 

У праграме таксама прэзентацыя беларускіх музейных ініцыятываў у Варшаве, Лондане, Вільні, электроннай бібліятэкі «Камунікат». 

Будзе і практычны занятак ад доктаркі гуманітарных навук і кіраўнічкі партала «Kasa na Kulture» Ганны Мальчук-Вакулінскай «Дзе шукаць сродкі для лічбавізацыі калекцый».

 Варкшоп разлічаны на самае шырокае кола зацікаўленых удзельнікаў — як арганізацый, так і прыватных асобаў. 

Гэтым заняткам распачынаецца цэлая серыя — на наступных занятках вы пазнаёміцеся з магчымасцямі выкарыстоўваць існуючыя польскія і еўрапейскія платформы, вывучыце бясплатныя і платныя рашэнні для фармавання сваіх лічбавых калекцый. 

Прыняць удзел можна будзе як у афлайн так і анлайн-фармаце. 


Удзел вольны. Рэгіструйцеся па спасылцы па нядзелю, 28 верасня.