Беларускі стэнд на кніжным кірмашы ў Беластоку
25.04.2025 - 27.04.2025
10:00 - 19:00
Chorten Arena (ul. Słoneczna 1)
Бясплатнае
Напрыканцы тыдня, з 25 па 27 красавіка, у Беластоку — кніжны кірмаш. На ім будзе працаваць стэнд беларускіх выдавецкіх ініцыятыў: месца 79-80, запішыце.
У межах кірмашу будуць творчыя сустрэчы з беларускімі літаратарамі:
25 красавіка ў 16.00 — аўтограф-сесія Міхала Андрасюка, аўтара кнігі «Żubr» на польскай мове, першага выдання Цэнтра беларускай культуры ў Беластоку.
Міхал Андрасюк — аўтар шматлікіх апавяданняў і раманаў, жыве ў Гайнаўцы і вёсцы Вoйнаўка на польска-беларускім памежжы, піша па-беларуску і па-польску.
26 красавіка ў 11:30 — аўтограф-сесія Ганны Кандрацюк, аўтаркі кнігі на беларускай мове «Проста з любові. Рэпарцёрскія партрэты памяці» (Цэнтр беларускай культуры).
Кніга змяшчае сем партрэтаў выбітных асоб: Кастуся Каліноўскага, Ежы Папялушкі, святой Марыі (Петручук), Алеся Пушкіна, Юркі Гіля, Надзеі Артымовіч, Юры Гумянюка.
26 красавіка ў 12.30 — сустрэча з пісьменнікам Альгердам Бахарэвічам.
Спадар Альгерд прэзентуе сваю новую кнігу «Папяровы голем», якая выйшла ў выдавецтве «Янушкевіч» восенню 2024 года.
26 красавіка будуць і аўтограф-сесіі:
- 13.30 — Альгерд Бахарэвіч, кніга «Папяровы голем»
- 14:30 — Цімур Кудзеліч, раман «Значныя дні»
- 15:30 — Андрэй Скурко
- 16:30 — Зміцер Дзядзенка, кніга «Гульні Цырцэі»
27 красавіка ў 10:30 — сустрэча з Уладзімірам Арловым, які напісаў уступнае слова да кнігі ўспамінаў Ларысы Геніюш «Птушкі без гнёздаў».
Аўтограф-сесіі 27 красавіка:
- 11:30 — Уладзімір Арлоў
- 13:00 — Алесь Аркуш, дзвюхмоўны паэтычны зборнік «Чаму праўда такая слабая?»
- 15:00 Aleś Bieły / Алесь Белы з кнігай «Самы цымус»
Уваход вольны! Рыхтуйце торбачкі паболей закупіцца беларускімі кніжкамі!
