Майстар-клас па беларускіх традыцыйных танцах у Варшаве

Алена Ляшкевіч і капэла  «Бліска» запрашаюць усіх ахвочых на варштаты беларускіх традыцыйных танцаў на фестывалі «Усе мазуркі свету».

Павучымся полькам і фігурным танцам з розных частак Беларусі. Будзем танчыць парамі і ў коле. Скончым заняткі так, як сканчваліся сапраўдныя беларускія вясковыя вечарыны: імправізаванай полькай.

Праводзіць фалькларыстка Алена Ляшкевіч, грае капэла «Бліска» — жаночае музычнае трыя, якое выконвае традыцыйную беларускую музыку.

Дзяўчаты пачалі граць разам у лістападзе 2023 і з таго часу прымалі ўдзел у шматлікіх танцавальных варштатах ды беларускіх імпрэзах Варшавы. Музыкі натхняюцца сінергіяй унутры калектыву, выступамі іншых капэлаў традыцыйнай музыкі ды архіўнымі відэа з вясковымі музыкамі, і імкнуцца дадаць аўтэнтычнасць ды захапленне ў сваё гучанне. У трыа граюць: Анна Валіцкая — дуда, дудка, жалейка, скрыпка, Анна Жоглава — скрыпка, Света Кукель — бубен.

Запрашаюцца ўсе ахвочыя, з любым узроўнем танцавальнай падрыхтоўкі (і без яе).

Рэкамендуем узяць з сабой пітную ваду і зручны абутак: кавалерам — на плоскай падэшве з т.зв лёгкім слізгаценнем, а дамам — чаравікі на нізкім абцасе.

Білеты можна будзе набыць на месцы (да вычарпання ліміту). Для гарантавання магчымасці трапіць на варштаты раім набываць білеты загадзя тут.

Дата: 17.04

Час: 12.30

Месца: Варшава, Podskarbińska 2, Centrum Promocji Kultury Praga Południe.