Беларускія імпрэзы на фэсце «LAMPA» ў Цэсісы
05.07.2024 - 06.07.2024
12:00 - 18:00
------------
Бясплатнае
У пятніцу і суботу, 5 і 6 ліпеня, у Цэсісы адбудзецца фэст «LAMPA». Будуць і беларускія імпрэзы!
Дата: 5 і 6 ліпеня
Месца: парк палаца Цэсіса, парк Maija, плошча Pils, Цэсіс
У пятніцу, 5 ліпеня ў 12.30, адбудзецца дыскусія «Беларусь — адна з краін рэгіёну Балтыйскага мора?».
У цэнтры абмеркавання — Беларусь і прапанова збліжэння яе з краінамі Балтыі ў якасці адной з краін рэгіёну Балтыйскага мора.
Удзел бяруць Святлана Ціханоўская, Лізавета Дубінка-Гушча, дырэктарка Дацкага інстытута культуры ў Латвіі, шісторык Андрэй Катлярчук.
5 ліпеня ў 13.15 адбудзецца беларускі кніжны пітч «Міністэрства чытання».
Як вы думаеце, колькі кніг было перакладзена з беларускай і выдадзена на латышскай мове ў XXI стагоддзі? Адна.
Разам з латышамі і беларусамі на эміграцыі будуць шукаць у Пітчы другую, трэцюю і чацвёртую кнігу, якая павінна быць на паліцах латышскага чытача.
У суботу, 6 ліпеня, у 16:30 адбудзецца дыскусія «Колькі каштуе палітвязень?».
У беларускіх турмах сядзяць сотні людзей, справы якіх сфабрыкаваныя і палітычна матываваныя.
Каля 1400 чалавек маюць афіцыйны статус палітвязняў.
Ці ёсць шанец у дэмакратычнага сьвету выратаваць гэтых людзей?
Ці дапушчальныя перамовы з дыктатарам і якую цану мы гатовыя заплаціць за вызваленне палітвязняў?
Удзел бяруць журналістка, заснавальніца ініцыятывы «Палітвязынка» Яўгенія Доўгая, праваабаронца Зміцер Фурманаў.
У праграме процьма іншых падзей і актыўнасцей:
навукова-тэатральнае шоу
творчая майстэрня «Робім украінскія лялькі-мотанкі»
LAMPA для дзяцей
Вывучайце праграму па
спасылцы і прыязджайце.
Уваход вольны! Ёсць магчымасць ахвяраваць грошы фестывалю LAMPA і яго сябрам.
