Artur Dutkiewicz Trio – адзін з лепшых калектываў польскай джазавай сцэны. Сваю праграму ў Брэсце трыо прадставіць пасля паспяховага гастрольнага тура па Аўстраліі і Новай Зеландыі. У праграму канцэрта ўвойдуць кампазіцыі з апошніх, горача прынятых як слухачамі, так і крытыкамі, трох альбомаў: «Немэн імправізацыі», «Хендрыкс Піяна» і «Прана». Трыо выступіць у сваім арыгінальным складзе: Артур Дуткевіч – фартэпіяна, Міхал Бараньскі – кантрабас, Лукаш Жыта – ударныя.
