Брэст. Сустрэча з астраномам і фатографам Віктарам Малышчыцам
19.12.2015
18:00 - 21:00
“Дзедзіч” (вул. Маякоўскага д. 46, кв. 1)
Бясплатнае
Як зрабіць выразнае фота зорак? Як правільна выбраць месца і час для якаснага фота? На гэтыя і іншыя пытанні адкажа Віктар Малышчыц фатограф, аўтар відэа “Беларусь у абдымках зорак” і “Краіна пад срэбнымі аблокамі”.
Сустрэча адбудзецца ў межах праекта “Ёсць размова” арганізаванага Агенцтвам рэгіянальнага развіцця “Дзедзіч”.
Віктар Малышчыц закаханы ў фатаграфію і зоркі. Вольны час ён праводзіць у экспедыцыях па нашай прыгожай краіне і робіць відэа і фота Беларусі на фоне космасу, пад бяскрайнім начным небам, у абдымках зорак.
Аўтар пакажа свае фота- і відэа-праекты, распавядзе пра саблівасці палявой працы, і адкажа на ўсе пытанні. Прыходзьце 19 снежня ў суботу ў 18:00 па адрасе: г. Брэст, вул. Маякоўскага 46/1.
Што: Размова пра фота і зоркі з Віктарам Малышчыцам.
Дзе: г. Брэст, вул. Маякоўскага д. 46, кв. 1
Калі: 19 снежня, суббота, пачатак у 18:00.
Уваход вольны!
Даведка:
“Ёсць Размова” — праект агенцтва рэгіянальнага развіцця “Дзедзіч”, у рамках якога берасцейцаў чакаюць сустрэчы з цікавымі людзьмі (эканамістамі, гісторыкамі, падарожнікамі, літаратарамі, музыкантамі ) і займальныя лекцыі. Гэтыя бясплатныя мерапрыемствы накіраваны на развіццё інтэлектуальных зносін у Берасці, на фарміраванне ў публікі больш аб’ектыўных поглядаў на гісторыю, культуру, эканоміку Беларусі і павышэнне ўзроўню грамадзянскай актыўнасці.
