“Тэндэнцыі беларускай татуіроўкі ў сучасным мастацтве” — запрашаем на сустрэчу з Алесем Таболічам. Бясплатнае мерапрыемства ў Берасці!
У рамках праекта “Ёсць Размова” агенцтва рэгіянальнага развіцця “Дзедзіч” запрашае берасцейцаў на сустрэчу са знакамітым тату-майстрам Алесем Таболічам.
Наведвальнікі даведаюцца шмат цікавага аб беларускай татуіроўцы: трэнды, сюжэты, жанры тату — не толькі нацыянальны арнамент, але і нават олдскул па-беларуску!
Калі гэтыя тэндэнцыі сталі моднымі і хто іх пачынаў? Што зараз у трэндзе? “Беларускі арнамент самы папулярны. А ёсць яшчэ беларуская эклектыка, шрыфтавая кампазіцыя…” — гаворыць Алесь Таболіч.
26 верасня ў Берасці ён таксама распавядзе пра перманентны макіяж і адкажа на ўсе пытанні, што хвалююць публіку. У дадатак на сустрэчы можна будзе пабачыць эксізы татуіровак, абмеркаваць нацыянальныя матывы, узоры.
Прыходзьце на бясплатнае мерапрыемства — даведацца больш пра фолк-элементы ў тату, пра малюнкі “Пагоні” на целах беларусаў і партрэты герояў мінулых часоў.
Калі: 26 верасня, субота, 18:30.
Дзе: г. Брэст, вул. Маякоўскага 46–1.
Хто: Алесь Таболіч, тату-майстар, музыкант, адзін з арганізатараў Belarus tattoo fest.
Уваход вольны.
***
Даведка:
“Ёсць Размова” — праект агенцтва рэгіянальнага развіцця “Дзедзіч”, у рамках якога берасцейцаў чакаюць сустрэчы з цікавымі людзьмі (гісторыкамі, падарожнікамі, літаратарамі, музыкамі) і займальныя лекцыі. Гэтыя бясплатныя мерапрыемствы накіраваны на развіццё інтэлектуальных зносін у Берасці, на фарміраванне ў публікі больш аб’ектыўных поглядаў на гісторыю, культуру, эканоміку Беларусі і павышэнне ўзроўню грамадзянскай актыўнасці.
