У сераду, 9 лістапада, у Познані распачынаецца праект псіхалагічнай падтрымкі і дапамогі «Безопасная среда» («Бяспечнае асяроддзе»). Адрасаваны ён людзям, якія вымушаныя былі пакінуць свой дом і з’ехаць у Польшчу.
Дата: 9 лістапада
Час: 18.00 (час мясцовы)
Месца: ul. Sienkiewicza, 8, Познань
У межах праекта можна атрымаць псіхалагічную падтрымку ў нялёгкім працэсе адаптацыі ў новай краіне, а таксама быць прынятым і зразуметым іншымі людзьмі, якія апынуліся ў падобнай сытуацыі і перажываннях: пазбавіцца пачуцця адзіноты, пакінутасці і ізаляцыі; пры жаданні паўдзельнічаць у развіцці такой прасторы; пазнаёміцца і пагутарыць з новымі цікавымі людзьмі.
Тэма першай сустрэчы — «Эміграцыя і рэлакацыя: як дапамагчы сабе і блізкім».
Вас чакае:
кароткая лекцыя і практычныя парады псіхатэрапеўткі Ірыны Лабанавай;
адказы на пытанні;
групавое абмеркаванне, абмен думкамі і досведам;
цёплая размова і гарачанькая гарбатка.
Уваход вольны! Ахвяраванні на развіцце фундацыі вітаюцца.
Рэгіструйцеся па спасылцы, але ж памятайце, што месцаў абмежавана.
