Беларускія ўікэнды: «ПАДЫНГТАН» у кінатэатры «Перамога» 17 і 18 снежня
17.12.2016 - 18.12.2016
17:00 - 17:00
Кінатэатр "Перамога" (вул. Інтэрнацыянальная, 20)
3 рублі
Праект «Беларускія ўікэнды» ладзіць дадатковыя прагляды фільма «Падынгтан» у агучцы на беларускую мову. 17 і 18 снежня 2016 ў кінатэатры «Перамога» адбудуцца паказы гэтай сямейнай стужкі.
Фільм будзе цікавы ўсім дзецям ад 6 год. Мінулыя прагляды (19-20 лістапада) прайшлі з поўным аншлагам, білеты былі раскуплены за некалькі дзён і сотні людзей не здолелі трапіць на гэтае кіно. Менавіта таму ладзяцца дадатковыя прагляды.
«Падынгтан» распавядае пра прыгоды абаяльнага мядзведзіка ў Ангельшчыне. Брытанія знакаміта двума мядзведзямі: Віні-Пыхам і Падынгтанам. І калі першы шырока вядомы ў Беларусі, то Падынгтану яшчэ трэба заваяваць любоў маленькіх гледачоў. І ў перуанскага мядзведзя з манерамі ангельскага джэнтльмена гэта пэўна атрымаецца!
Фільм 2014 года прасякнуты дабрынёй і непаўторным ангельскім гумарам. Ён абавязкова спадабаецца як дзецям, так і іх бацькам. Дарэчы, ролю галоўнага злачынцы выканала Ніколь Кідман.
На беларускую мову фільм агучаны вядомымі беларускімі акцёрамі: Паўлам Харланчуком, Алесем Малчанавым, Уладзімерам Глотавым, Святланай Цімохінай.
Сеансы: 17 снежня (субота) а 17:00 і 19:00, 18 снежня (нядзеля) а 17:00 і 19:00.
Кошт: 3 рублі.
Квіткі можна набыць у касе кінатэатра «Перамога» і на сайце http://kinominska.by/movie/1718
Паказы арганізаваныя аб’яднанням «Кінаконг» і кінатэатрам «Перамога».
Даведкі па тэлефонах: +375 17 203-77-66 (каса кінатэатра); +375 29 554-34-59 (арганізатар паказа)
Кінатэатр «Перамога»: г. Мінск, вул. Інтернацыянальная, 20
