Чаго не хапае нашым пешаходным вуліцам? Абмяркуем у Пінску!
28.11.2018
18:30 - 18:30
Кавярня “Параграф” (г. Пінск, вул. Леніна, 2)
Уваход вольны
Час ідзе, і нашыя гарады змяняюцца разам з пакаленнямі іх жыхароў. Сённяшняя сталіца Палесся, горад Пінск, – прыгожая і адметная. Як і іншыя старажытныя гарады, Пінск мае ўласную пешаходную вуліцу, якая фармавалася некалькі стагоддзяў. Але ці адпавядае яна патрэбам і чаканням сучасных пінчукоў? Ці варта нешта мяняць, а калі варта, то што?
Кампанія “Будзьма беларусамі!” і Цэнтр даследавання грамадскага кіравання “СІМПА” запрашаюць 28 лістапада на публічную дыскусію, якая і будзе прысвечаная сённяшняму стану і будучыні пешаходнай вуліцы.
Эксперты дапамогуць разабрацца:
– Чым карысныя гораду і жыхарам пешаходныя вуліцы?;
– Як робяць пешаходныя вуліцы ў суседніх краінах?
– А якія яны ў Беларусі і як павінныя выглядаць у ідэале?
– Як мясцовыя жыхары і ўрбаністы ацэньваюць пінскую вул. Леніна?
– Ці можна было захаваць ліпавую алею?
Запрошаныя эксперты:
– Андрэй Карпека, урбаніст, “Мінская ўрбаністычная платформа”;
– Валянцін Тур, сузаснавальнік ініцыятывы “Брэсцкі канструктывізм”;
– Андрэй Галадзюк, актывіст з Пінска, БМОО “Час Зямлі”, Таварыства “Зялёная сетка”.
Запрашаем на абмеркаванне ўсіх неабыякавых жыхароў Пінска і ваколіц!
Падчас размовы каштоўнае меркаванне кожнага.
Завяршэннем стане выступ Алеся Лютыча з гурта :B:N:
28 лютага
18:30
Кавярня “Параграф” (г. Пінск, вул. Леніна, 2)
Уваход вольны
Інфалінія: +375297273097, razam@budzma.org
Падзея ў сацсетках: Вконтакте і Facebook.
