Чэмпіянат па фотабёрдынгу надыходзіць!

У суботу, 2 траўня, у Беларусі — вясновы чэмпіянат па фотабёрдынгу. 

На працягу 8 гадзін зарэгістраваныя ўдзельнікі і каманды з 2 чалавек будуць шукаць птушачак па ўсёй краіне, каб сфатаграфаваць як мага больш відаў. 

Майце на ўвазе: нельга пужаць птушак дзеля фотачкі і карыстацца гукавой апаратурай для іх прываблівання. 


 Што трэба рабіць? 

 узяць фотаапарат альбо мабільны тэлефон з камерай; 

 2 траўня выправіцца ў фотапаляванне на птушачак на тэрыторыі Беларусі; не абавязкова ўдзельнічаць на працягу ўсяго часу спаборніцтваў — можна і менш; 

 сфатаграфаваныя віды птушак заносіць у чэк-ліст і пасля даслаць фотачкі і чэк-ліст арганізатарам, якія падлічаць балы і вызначаць пераможцу. 

Зноў жа, можна і не вызначаць птушак — арнітолагі дапамогуць! 

Акрамя «Птушкі ў тэлефоне» будзе намінацыя для найлепшага дэбютанта і для найлепшай каманды з непаўналетнім удзельнікам. 

Арганізацыйны ўнёсак — 25 рублёў за кожнага поўнагадовага (непаўналетнім удзельнікам можна бясплатна). Для членаў «Дзікага клуба» і людзей да 18 гадоў — бясплатна. Прыбытак пойдзе на ахову дзікай прыроды Беларусі. 

Рэгістрацыя і падрабязнасці — па спасылцы. Заяўкі прымаюцца да 6.00 2 траўня.