Літаратурная гульня «Чытаем Дуніна-Марцінкевіча» ў Мінску

5 лютага ў музеі «Лошыцкая сядзіба», адбудзецца літаратурная гульня «Чытаем Вінцэнта Дуніна-Марцінкевіча: фарс-вадэвіль „Пінская шляхта“», арганізаваная сумесна з Беларускай дзяржаўнай філармоніяй.

Дата: 5 лютага

Час: 15.00

Месца: музей «Лошыцкая сядзіба», праезд Чыжэўскіх, д. 8-2, 10 (Лошыцкі парк), Мінск

У 214-гадавіну з дня нараджэння Вінцэнта Дуніна-Марцінкевіча, частага госця Яўстафія Прушынскага, гаспадара Лошыцкай сядзібы ў 1820–1877 гг., музей прапануе узгадаць фарс-вадэвіль «Пінская шляхта».

У гонар гэтага сяброўства шляхціч Вінцэнт напісаў паэмы «Купала» і «Вечарніцы», якія, у тым ліку, апавядаюць аб падзеях у Лошыцы.

Літаратурная гульня па матэрыялах «Пінскай шляхты» дапаможа болей даведацца пра побыт беларускага Палесся — малой радзімы апошняй гаспадыні Лошыцкай сядзібы Ядзвігі Любанскай з Кеневічаў.

Акрамя таго, на мерапрыемстве прагучаць асобныя з’явы «Пінскай шляхты» ў выкананні салістаў Філармоніі.

Квіткі на мерапрыемства даюць магчымасць наведаць экспазіцыю музея.

Браніраваць квіткі можна па тэлефоне: (017) 396 18 86, праз электронную пошту loshytsa@gmail.com альбо сацыяльныя сеткі музея ВКонтакте, Facebook і Instagram (/loshytsamuseum).