Cустрэча з загадкавым пісьменнікам Максам Фраем

01.11.2013 18:30 - 20:30 Галерэя «Ў» (Незалежнасці 37а) Бясплатнае

У пятніцу 1 лістапада, кніжны сайт „Bookster.By” запрашае ўсіх ахвотных у галерэю „Ў” на сустрэчу з загадкавым пісьменнікам Максам Фраем.

Cустрэча з загадкавым пісьменнікам Максам Фраем

Пісьменнік Макс Фрай і мастачка і фатограф Святлана Мартынчык – у нейкім сэнсе адзін чалавек, але не зусім. Хоць хто з іх каго прыдумаў – пытанне складанае. Так ці інакш, гэты аўтар і персанаж ўжо амаль 10 гадоў жыве ў нашай любімай Вільні і стварыў ўжо тры тамы цудоўных казак пра гэтае загадкавае месца – поўных чараўніцтва, суму, таямніцы, містычных супадзенняў і магчымых адказаў на пытанні пра тое, што ж такога ў гэтым горадзе, што прыехаўшы ў яго ўпершыню, адразу хочацца застацца там назаўжды.

Адэсітка Святлана Мартынчык зрабіла менавіта гэта – у нейкі момант засталася ў любімым горадзе і стала яго добрым анёлам: яна піша пра яго выдатныя, захапляльныя і шчымлівыя гісторыі, а яшчэ фатаграфуе Вільню менавіта такой, якой яна яе бачыць – з усімі дзіўнымі істотамі, прывідамі і парталамі ў іншую рэальнасць. «Букстэр» з пяшчотай і ўвагай перакладае для беларускіх чытачоў гэтыя казкі і рады прадставіць мінчанам іх аўтара!

На сустрэчы з мінскімі чытачамі Макс Фрай, як мы спадзяемся, прадставіць трэці, самы свежы том «Казак старой Вільні», адкажа на вашыя пытанні, распавядзе пра сваю Вільню – а мы паспрабуем распавесці яму пра сваю.

Старонка падзеі ў Фэйсбуку

Пачатак а 18:30, уваход вольны


Вам можа быць цікава

Андрусь Такінданг ва Уроцлаве

16.07.2025 (20:00 - 22:00) Grunge Barbershop (Wesoła 40)

Выстава «Fragmenty» ў Варшаве

17.07.2025 19:00 - 03.08.2025 20:00 Музей Вольнай Беларусі (Foksal 11)

Вішнёвы фэст у Глыбокім

18.07.2025 14:00 - 19.07.2025 20:00 ------------

Фэст славянскай міфалогіі «Шлях Цмока» ў Бярэзінскім запаведніку

09.08.2025 12:00 - 10.08.2025 17:00 Бярэзінскага запаведніка (вул. Цэнтральная, 3)

Апошняе
на Budzma.org

чытаць яшчэ