З 9 лютага па 3 красавіка 2022 года ў Нацыянальным цэнтры сучасных мастацтваў можна ўбачыць праект Таццяны Савік «Дэканструкцыя», рэалізаваны ў межах праграмы НЦСМ па падтрымцы маладых мастакоў «White Room».
Дата: з 9 лютага па 3 сакавіка
Месца: Нацыянальны цэнтр сучасных мастацтваў, вул. Някрасава, 3, Мінск
У сваім праекце Таццяна Савік даследуе магчымасці метаду дэканструкцыі. Мастачка падзяляе аб’екты і жывапісныя партрэты на фрагменты, каб разбурыць стэрэатыпы успрымання. Некаторыя з работ інтэрактыўныя — гледачам прапануецца ўзяць удзел у гульні ў бясконцае стварэнне новых форм і сэнсаў і самастойна дэканструяваць і рэканструяваць творы.
«Выдзіранне» палатна з рамы, выкарыстанне фрагментарнай тэхнікі вітража, кубік Рубіка як ідэальная форма дэканструкцыі — наўмыснае парушэнне цэласнасці выяў стварае стан хаосу або крызісу, дзе фрагменты здольныя ўзнаўляцца з новымі сувязямі і сэнсамі.
