У суботу, 12 кастрычніка, PANDA platforma працягвае святкаваць 15-годдзе і запрашае на Дзень музыкі.
Дата: 12 кастрычніка
Час: 19.00 (час мясцовы)
Месца: PANDA platforma, Knaackstraße 97, Берлін
Выступяць 15 музычных праектаў, сярод іх і беларускія:
GALYA CHIKISS & SVETA BEN — зоркі беларускай альтэрнатыўнай сцэны сваім альбомам «Прыём», які запісваўся ў Берліне (і часткова на PANDA), заснавалі новы стыль, «посттраўматычны поп».
MUSTELIDE — спявачка, кампазітарка, гукавая вядзьмарка і багіня электронікі стварае эфірны, пазачасавы дрым-поп, выкарыстоўваючы сэмплы і аналагавыя інструменты
MARENERA — італа-нямецкі гурт грае традыцыйную музыку паўднёвай Італіі і спалучае яе з берлінскім драйвам: тарантэла і піцычэ да ўпаду
ПЕТРА НАХТМАНАВА — віртуозка баглама, спявачка і этналагіня, якая будуе культурныя масты і злучае музычныя традыцыі Паўднёвай Еўропы і Чорнага мора
ВАЛЯНЦІНА БЕЛЛАНАВА — майстарка перформансу, якая валодае не толькі турэцкім і арабскім, але і ўсімі незвычайнымі духавымі інструментамі на планеце
BROKOLYA & LOLA CAMOMILA — два незвычайныя артысты ладзяць драг-шоу за разнастайнасць і супраць патрыярхату
DOBRANOTCH — аркестр, які мае ў сваім рэпертуары касмічны клезмер і балканскі космас, адчувае сябе як дома і на філарманічнай, і на клубнай сцэне і забяспечвае патрэбную святочную атмасферу выбуховым танцавальным міксам
TATAR KYZ:LAR — татарскі, фемінісцкі арт-тэхна праект Дынары Расулевай і allapopp, мастачак, музыкаў і аўтарак з Берліна
SBP4 — разумны тэкст, стыльнае гучанне, магутнае шоу, карацей — «Самое Большое Простое Число»
Ды-джэйка Каця Рыба — па адукацыі танцорка і выступае ў якасці тэхна-дыджэя.
Квіткі коштам 20 еўра можна набыць па спасылцы. На ўваходзе будзе 25 еўра.
