закрыць
Мінск Іншае

Экскурсійны шпацыр па мінскіх Кальварыйскіх могілках

20.11.2016 10:30 - 12:00 ля цэнтральнай брамы Кальварыйскіх могілак Удзел бясплатны, без папярэдняга запісу
Сябры, вы заўважылі, што майстэрня экскурсій “Менскі велашпацыр” так і не абвесціла закрыццё сезону? на гэты раз зробім эксперымент – паспрабуем яго і не закрываць. Усё проста: цягам бліжэйшых халодных месяцаў мы з пэўнай рэгулярнасцю будзем арганізоўваць і праводзіць штось цікавае – хай сабе і не заўжды вела, хай сабе і не так часта. І пачынаем мы ўжо зусім хутка – у гэтую нядзелю 20-га лістапада адбудзецца пешы экскурсійны шпацыр па мінскіх Кальварыйскіх могілках, прымеркаваны да Дзядоў.
Кальварыя – святое месца для менчукоў ужо з ХVII cтагоддзя. Яно сустракае велічнай брамай у стылі класіцызму – помнікам вечнага кахання Юрыя Кабылінскага да сваёй жонкі Юзэфы. А кальварыйскія сцежкі раскрываюць таямніцы знітавання лёсаў братоў Луцкевічаў і Максіма Багдановіча, Янкі Лучыны і Далёкага Усходу, менскіх арыстакратаў Ваньковічаў і Вайніловічаў, мастака Яна Дамеля і Залатой Горкі. А па-над усім лунае крыж старадаўняга Кальварыйскага касцёла, што бачыў і жыццё, і жыццяў завяршэнне…
Чакаем вас 20.11 у 10.30 ля цэнтральнай брамы Кальварыйскіх могілак (той, што вядзе да параднага ўваходу ў Кальварыйскі касцёл, на злучэнні вуліцы Верашчагіна і Кальварыйскага праезда).
Удзел бясплатны, без папярэдняга запісу.
Дадатковая інфармацыя:
P.S. ровар можна прыпаркаваць на месцы сустрэчы
дадаць у google каляндар

Вам можа быць цікава

Выстава Юрыя Тарэева ў Віцебску

31.03.2025 17:00 - 15.06.2025 18:00 Музей гісторыі Віцебскага народнага мастацкага вучылішча (вул. Марка Шагала, 5А)
Віцебск Выставы

Прэм’ера спектакля «STATUS» у Варшаве

18.05.2025 (18:00 - 20:00) прастора «MIT» (Stalowa, 36)
Варшава Спектаклі

Tochka K у Беластоку (12+)

23.05.2025 (19:30 - 21:30) Bialystok Music Club (ul. Legionowa 14/16)
Беласток Канцэрты

Апошняе
на Budzma.org

чытаць яшчэ

Папулярнае

чытаць яшчэ

Важнае пра нас

© 2008-2025, Budzma.org