22 кастрычніка арт-менеджарка Вольга Мжэльская правядзе рускамоўную экскурсію па выставе беларускіх мастакоў «Найвышэйшая форма мастацтва».
Дата: 22 кастрычніка
Час: 13.00 (час мясцовы)
Месца: Galeria Promocyjna, Staromiejski Dom Kultury, Rynek Starego Miasta 2, Варшава
Выстава фіксуе беларускую прапаганду. Паказвае градацыю прыгнёту і механізмы кантролю. Пачынаецца, здавалася б, нявінна — маці апранаюць дзяцей у салдацкую форму, кажуць ім, што яны абаронцы краіны, і такім чынам з дзяцінства знаёмяць іх з вайной. Робяць з іх ідэальнага салдата. Ці ўзоры жаноцкасці, якія перадаюцца ад маці да дачкі і фарматуюць яе паводле патрыярхальных узораў. Словам, усё, што мы добра ведаем, але рэдка асэнсоўваем.
Далучайцеся! Уваход вольны!
