У пятніцу, 20 студзеня, у Лодзі адбудзецца паказ фэсту дакументальнага кіно «1084. На мяжы», які напрыканцы года прайшоў ва Украіне.
Дата: 20 студзеня
Час: 18.00 (час мясцовы)
Месца: бібліятэка «Wolność», plac Wolności 4, Лодзь
1084 км — працягласць агульнай мяжы Беларусі і Украіны. Фэст ладзіўся з мэтай паказаць і патлумачыць мяжуючым краінам адно адну, быць пляцоўкай для ўзаемапаразумення і яднання. Ладзіла яго беларуская праваабарончая арганізацыя «Звяно».
У Лодзі пакажуць адзін фільм з праграмы фэсту — «Я вырасла, пакуль ты спала» Марціна Саўтэра. А па сеансе будзе гутарка з арганізатаркай фэсту, праваабаронцай Таццянай Гацура-Яворскай.
Спадарыня Таццяна распавядзе аб праваабарончай дзейнасці ў Беларусі і Украіне, а таксама пра жыццё сучаснага Кіева, дзе яна зараз жыве.
Уваход вольны!
