У аўторак, 11 красавіка, у касцёле святога Роха, што на Залатой Горцы, распачынаецца фэст духоўнай музыкі «Залатагорская ліра»!
Дата: з 11 па 29 красавіка
Час: 20.00
Месца: касцёл святога Роха, пр-т Незалежнасці, 44 А (за Палацам мастацтваў), Мінск
Вось якая праграма:
11 красавіка, аўторак — ВЕЧАР ХАРАВОЙ МУЗЫКІ
Выступаюць парафіяльныя хоры Мінскага касцёла св. Сымона і св. Алены:
«Голас душы» (мастацкі кіраўнік Таццяна Гажэўская-Пешак);
«Verum Cantus» (мастацкі кіраўнік Яніна Хвалько);
Ансамбль салістаў «Te Deum».
13 красавіка, чацвер — ВЕЧАР АРГАННАЙ І ДУХАВОЙ МУЗЫКІ
Грае квінтэт медных духавых інструментаў «Studio Brass» і Віктар Кісцень (арган).
У праграме Бах, Гендэль, Холст, Бізэ, Лютаслаўскі, Кісцень.
15 красавіка, субота — ВЕЧАР ДУХОЎНАЙ МУЗЫКІ ІТАЛЬЯНСКАГА І НЯМЕЦКАГА БАРОКА
Грае ансамбль «Камерныя салісты Мінска» пад кіраўніцтвам Дзмітрыя Зубава (арган).
У праграме Габрыэлі, Мантэвердзі, Шутц, Марыні, Кастэла, Крыгер, Розенмюллер.
17 красавіка, панядзелак — ВЕЧАР ХАРАВОЙ МУЗЫКІ «ІНШАЯ ПРАСТОРА»
Выступіць харавая капэла імя Шырмы. Мастацкая кіраўніца — Вольга Янум.
У праграме: Ховелс, Пярт, дзі Веноза, Бандарэнка, Эшэнвальдс, Смірноў, Свірыдаў, Шчадрын, Саўрыцкі, Атрашкевіч, Хадоска, Кнайфель.
18 красавіка, аўторак — ВЕЧАР СТАРАДАЎНЯЙ ВАКАЛЬНАЙ МУЗЫКІ
Спяваюць студэнты-вакалісты IV i V курсаў Беларускай дзяржаўнай акадэміі музыкі: Марыя Булда, Юлія Бурдзелева, Яўгенія Каралёва, Васіль Ліпскі, Яўгенія Борбат, Канстанцін Бязродны, Іван Кручко, Кацярына Дударава, Ігнат Скараход. Канцэртмайстарка — Ганна Лабкоўская.
У праграме Пергалезі, Гендэль, Бах, Скарлаці, Керубіні, Качыні, Кальдара, Глюк, Вівальдзі.
20 красавіка, чацвер — ПРЭЗЕНТАЦЫЯ КАЛЕКТЫВА
Выступае вакальны ансамбль «Radiola Voices»: Наталля Смірнова (сапрана), Вераніка Бельская (сапрана), Вольга Мацкевіч (альт), Наталля Сысова (альт), Дзмітрый Клачко (тэнар), Філіп Смялоў (барытон), Аляксандр Мінянкоў (бас). Партыя аргана — Віктар Кісцень.
У праграме традыцыйныя Велікодныя песнаспевы і спірычуэлс, а таксама творы Бартнянскага, Лапаева, Ласса,Баха.
22 красавіка, субота — ВЕЧАР СТАРАДАЎНЯЙ КАМЕРНАЙ МУЗЫКІ
Граюць Юлія Бурдзялёва (арган, клавесін) і Пётр Науменка (кларнет). У праграме Бах, Тарціні, Бібер, Падгайц.
29 красавіка, субота — ВЕЧАР АРГАННАЙ МУЗЫКІ
Грае Кацярына Іванова (арган, Віцебск). У праграме Бах, Букстэхудэ, Бём, Карг-Элерт, Рэгер, Дзюбуа, Боэльман, Бедар.
Уваход вольны, вітаюцца ахвяраванні.
