Фэст «Нефільтраванае кіно» ў Вільні

 У сераду, 23 красавіка, у Вільні пройдуць паказы беларускага кінафэста «Нефільтраванае кіно».

Сёлета прапануюць праграмы, што ўяўляюць сабой мазаіку кінематаграфічных формаў для даследавання сучаснай рэчаіснасці.

У такіх праграмах, як «Замежнікі ў сусвеце» і «Чалавек і алгарытмы», фільмы выкарыстоўваюць эстэтыку глітчу, нелінейныя наратывы і гібрыдныя медыя для крытыкі тэхналагічных, экалагічных і ідэалагічных сістэм — у духу «беднай выявы (вобраза)» Хіта Штаерля і «вобраза-часу» Жыля Дэлёза.

Фестываль пераадольвае супярэчнасці паміж традыцыямі і эксперыментамі: секцыя жахаў адхіляе імітацыю і робіць спробу дэкаланізацыі жанру, «Муры і гукі» даследуюць падвойную ролю мовы адначасова як маста і бар’ера, а «Сны Левіяфана» кантэкстуалізуюць асабістую траўму ў рамках сацыяльна-палітычнага гвалту.

Нават беларускі зборнік, хаця і мае рэгіянальную накіраванасць, уносіць уклад у больш шырокі дыялог аб ідэнтычнасці пад палітычным прэсам.


Вось уласна беларускую праграму і прапануюць глядзець у сераду, 23 красавіка.

А 27 красавіка вяртайцеся на паказ «Анталогія», які змяшчае найадметнейшыя фільмы фэста.


Квіткі коштам 5 еўра бярыце па спасылцы. А па гэтай спасылцы глядзіце склад беларускай праграмы.