24 верасня ў Музеі-сядзібе Міцкевічаў «Завоссе», што ў Баранавіцкім раёне, адбудзецца літаратурна-музычны фэст «Восень ў Завоссі».
Дата: 24 верасня
Час: з 12.00 да 16.00
Месца: музей-сядзіба Міцкевічаў «Завоссе», в. Завоссе, Баранавіцкі р-н, Брэсцкая вобл.
Абяцаюць лекцыі, экскурсіі па сядзібе, выступы літаратараў ды аматараў музыкі і спеваў. Будзе бібліятэчная пляцоўка, мастацкі пленэр, выставы, квэсты, гульні, майстар-класы і кірмаш.
Таксама ў праграме:
інтэрактыўная пляцоўка гістарычнай анімацыі ад рэканструктара Юрыя Усціновіча;
паэтычны канцэрт-пачастунак на словы Адама Міцкевіча і яго сяброў-філаматаў у выкананні Галіны Сакольнік і Святлены Немагай;
выступленне фолк-рок гурта «Тутэйшая шляхта».
Уваход на фестываль вольны!
Музей гісторыі беларускай літаратуры ладзіць трансфер Мінск-Завоссе-Мінск — 25 рублёў. Пры замове ад 10 месцаў — 20 рублёў. Загаддзя замаўляйце месцы па нумарах +375(17) 363-94-65, +375(17) 363-56-21.
