Фестываль дакументальнага кіно «1084. На мяжы» ў Тэрнопалі
24.01.2024 - 26.01.2024
12:00 - 20:00
------------
Бясплатнае
З 24 па 26 студзеня ў Тэрнопалі працягнецца фестываль дакументальнага кіно «1084. На мяжы».
Ладзіць яго беларуская грамадская арганізацыя «Звяно».
1084 кіламетры — працягласць агульнай мяжы Беларусі і Украіны.
Фэст прадастаўляе гледачам пляцоўку, каб даведацца больш адно пра аднаго і знайсці тое, што нас яднае, запытацца, якімі будуць нашы суседскія стасункі ў будучыні.
Вось якая праграма:
24 студзеня
12.00
«Вадохрышча/Holy water» (рэж. Андрэй Куціла)
У чарговае свята Вадохрышча ў спальным раёне Кіева на возеры зрабілі палонку. На беразе чутныя царкоўныя званы, людзі распранаюцца, становяцца ў чаргу.
Да ваеннага ўварвання Расеі ва Украіну застаецца 36 дзён.
Кароткі фільм-назіранне праз буйныя планы людзей рознага веку, чараду голых целаў і кароткія размовы расказвае нам пра хісткасць жыцця, супярэчлівасць чалавечай веры і радасць існавання.
Дата: 24 студзеня
Час: 12.00 (час мясцовы)
Месца: грамадскі цэнтр «Перехрестя», вул. Кіеўская, 7в, Тэрнопаль
24 студзеня
18.00
«Беларускі вальс» (рэж. Анджэй Фідык)
Фільм 2007 года, прысвечаны Алесю Пушкіну, пры дапамозе мовы перформансаў паказвае змаганне мастака з таталітарызмам. У гэтай мове шмат гумару і іроніі.
У фільме паказаны блізкія мастака, а таксама сучасная Беларусь, якая шукае сваё месца паміж Усходам і Захадам.
«Новае неба над новай краінай: прагулкі з Пушкіным» (рэж. Вольга Прусак, 2019)
1 красавіка 2019 года Алесь Пушкін ладзіць шпацыр па Віцебску, дзе меў калісьці ў добрыя часы прыватную галерэю і шмат мастацкіх успамінаў. Ён гуляе з вялікай «жывой» мапай за плячыма, на якую па сцэнары шпацыра дадае адметныя для сваёй творчай біяграфіі мясціны горада і распавядае пра апошнія гады, калі культурнае жыццё Беларусі было буйным і вольным.
Дата: 24 студзеня
Час: 18.00 (час мясцовы)
Месца: Na пошті. Креативний кластер, вул. Коперніка, 4, Тэрнопаль
25 студзеня
10.00
Круглы стол валанцёрскіх арганізацый Тэрнопаля «Валантэрскі рух — выклікі сучаснасці».
Дата: 25 студзеня
Час: 10.00 (час мясцовы)
Месца: Цэнтральная гарадская бібліятэка, вул. Руская, 31, Тэрнопаль
11.00
«Новае неба над новай краінай: прагулкі з Пушкіным» (рэж. Вольга Прусак, 2019)
1 красавіка 2019 года Алесь Пушкін ладзіць шпацыр па Віцебску, дзе меў калісьці ў добрыя часы прыватную галерэю і шмат мастацкіх успамінаў.
Ён гуляе з вялікай «жывой» мапай за плячыма, на якую па сцэнары шпацыра дадае адметныя для сваёй творчай біяграфіі мясціны горада і распавядае пра апошнія гады, калі культурнае жыццё Беларусі было буйным і вольным.
Дата: 25 студзеня
Час: 11.00 (час мясцовы)
Месца: Цэнтральная гарадская бібліятэка, вул. Руская, 31, Тэрнопаль
18.00
«Motherland/Радзіма» (рэж. Ганна Бадзяка, Аляксандр Міхалковіч)
Галоўная гераіня фільма — Святлана. Яе сына знайшлі мёртвым падчас службы ў войску, і цяпер жанчына спрабуе праліць святло на культуру гвалту і здзекаў у беларускім войску.
Паралельна разгортваецца гісторыя групы сяброў з тэхна-андэграўнду прызыўнога ўзросту.
Дата: 25 студзеня
Час: 18.00 (час мясцовы)
Месца: Na пошті. Креативний кластер, вул. Коперніка, 4, Тэрнопаль
26 студзеня
Круглы стол «Дакументальнае кіно і будучыня ўкраіна-беларускіх адносін»
Дата: 26 студзеня
Час: 11.00 (час мясцовы)
Месца: Соцыягуманітарны факультэт ЗУНУ, бульвар Т. Шаўчэнкі, 9 (корпус № 10), Тэрнопаль
Уваход на паказы —
free donation. Данаты пойдуць на расходнікі для апаратаў вакуумнай тэрапіі ран. Вы таксама можаце заданаціць па
спасылцы.
Поўную праграму фэста глядзіце на сайце па
спасылцы.
