Фільм “Дэвід Лінч: жыццё ў мастацтве”

14.03.2018 19:00 - 19:00 НЦСМ (вул. Някрасава) Бясплатнае

Змрочны сюррэалізм, заблытаныя сюжэты, персанажы, метафары, што перацякаюць адна ў адну – гэта адметныя рысы творчасці героя дакументальнага праекта “Дэвід Лінч: жыццё ў мастацтве” рэжысёраў Джона Нгуйена, Рыка Барнса, Алівіі Неергаард-Холм (2016).

Першым поўнаметражным фільмам Лінча была “Галава-гумка” (Eraserhead, 1971), якая адразу ж атрымала статус культавай кінакарціны. Наступныя “Твін Пікс”, “Дзюна”, “Блакітны аксаміт”, “Малхоланд Драйв” – толькі некаторыя з добра вядомых твораў рэжысёра, якія пацвердзілі ягоны статус выбітнага майстра кіно. Акрамя гэтага на рахунку Дэвіда Лінча безліч спробаў і эксперыментаў у самых розных накірунках мастацтва – у музыцы, жывапісу, фатаграфіі…

Дакументальны фільм “Дэвід Лінч: жыццё ў мастацтве” не з’яўляецца байопікам у чыстым выглядзе. Галоўная дзеючая асоба няспешна вядзе маналог, спакойна выпускаючы клубы цыгарэтнага дыму ў сваёй мастэрні і распавядаючы пра сваё ідылічнае дзяцінства, неспакойныя студэнцкія гады, пошук свайго шляху ў мастацтве і пра неўсвядомленае жаданне маляваць. Ён апісвае гіпнатычныя карціны свайго мінулага, якія вельмі падобныя на сцэны з ягоных фільмаў…

У дыскусійным клубе BLOWUP Нацыянальнага цэнтра сучасных мастацтваў Беларусі (Мінск, вул. Някрасава, 3) глядзім і абмяркоўваем дакументальны фільм “Дэвід Лінч: жыццё ў мастацтве” 14 сакавіка 2018 г. Пачатак а 19 гадзіне.

Уваход на мерапрыемствы дыскусійнага клуба BLOWUP па ўваходных квітках на бягучую выставу.

дадаць у google каляндар

Фільм “Дэвід Лінч: жыццё ў мастацтве”

Вам можа быць цікава

Выстава «Вясновыя напевы» ў Брэсце

Кватэрнік Аляксандра Памідорава ў Гданьску

Майстар-клас па вырабе лялькі-падарожніцы ў Гомелі

Света Бень у Познані

Апошняе
на Budzma.org

Музыка ў стане супраціву: новы агляд ад аналітычнай групы Беларускай Рады культуры

Абвешчана праграма беларускага стэнду на Варшаўскім кірмашы

Пра мёртвых — альбо добра, альбо нічога. Апроч праўды

Імя пераможцы прэміі Арсенневай будзе абвешчана 24 траўня падчас цырымоніі ў Варшаве

Папулярнае

Спрадвечна руская Беларусь

«Будзьма» просіць падтрымкі

«Непаслухмяныя дзеці кастрычніка» агучылі паэму Тодара Кляшторнага «Калі асядае муць»

«Пушкін — гэта маяк імперыі»: Сяргей Жадан — пра вайну, культуру і Беларусь

Важнае пра нас

Што такое «Будзьма беларусамі!»

Асобы кампаніі

Усе праекты «Будзьма!»

Фільм “Дэвід Лінч: жыццё ў мастацтве”

Вам можа быць цікава

Апошняе на Budzma.org

Папулярнае

Важнае пра нас

Апошняе
на Budzma.org