Фотавыстава Вольгі Завержанец «Transition» у Пізе

18.01.2025 - 21.02.2025 21:00 - 20:00 Aorta Social Art (Corso Italia 146) Бясплатнае

У суботу, 18 студзеня, у Пізе адкрываецца фотавыстава Вольгі Завержанец «Transition».

Выстава паглыбляе гледача ў прастору, дзе бачнае і нябачнае зліваюцца, мінулае пераплятаецца з сучаснасцю. Фатографка стварае працы, якія адлюстроўваюць моманты пераходу паміж рэальнасцямі.

Выкарыстоўваючы смалу акацыі, яна пераносіць старыя фатаграфіі на паперу, захоўваючы ў іх цяпло і глыбіню ўспамінаў.

Гэтыя здымкі — яе асабісты спосаб злучыцца з тымі, каго ўжо нельга абняць. Смала, нібы бурштын, фіксуе моманты, а графіт, які лёгка сцерці, нагадвае аб далікатнасці памяці.

Адмысловае месца ў праекце займае бурштын. Упрыгожванні бабулі Вольгі сталі сімвалам часу, памяці і сувязі паміж пакаленнямі.

Для спадарыні Вольгі гэтая выстава глыбока асабістая: за апошнія гады яна страціла сына і мужа.

У іх сям’і птушкі былі сімвалам іх саміх, але зараз двое з іх «паляцелі». Птушкі сталі яе сталымі спадарожнікамі, быццам прыносячы з сабой душы якія пайшлі. У многіх культурах птушкі звязваюць жывых з замагільным светам, і гэты матыў праймае ўвесь праект.

Выстава расказвае пра крохкую мяжу паміж тымі, хто застаўся, і тымі, хто сышоў, але працягвае быць побач — ва ўспамінах, ветры і птушыных песнях.

Выстава дапоўнена віртуальнай рэальнасцю (VR-сусветы Антона Маарангама), водарамі ад Tiaré Pisa і музычным суправаджэннем японскай артысткі Amy & her quiet experiments.

Выстава працуе па 21 лютага штодня з 12:00 да 20:00.

дадаць у google каляндар

Фотавыстава Вольгі Завержанец «Transition» у Пізе

Вам можа быць цікава

Выстава Арлена Кашкурэвіча ў Полацку

Спектакль «Бежанцы 1915» у Тыкоціне

Купалле пад Мінскам

Вандроўка з Мінска па Паўночнай Стаўбцоўшчыне

Апошняе
на Budzma.org

«Вялікая чыстка», «вялікая бомба» — вялікі тупік

Палессе Юзафа Хелмоньскага: беларускія краявіды на карцінах выбітнага польскага мастака — цяпер іх набываюць за сотні тысяч долараў

Беларускі дызайнер Ігар Назаранка стаў фіналістам AI-фэсту ў Сеуле

«Узорны прыклад усходняй расы». Чаму еўрапейская навука ў пачатку XX стагоддзя вылучала беларусаў у асобную еўрапейскую расу

Папулярнае

Мікола Целеш: летапісец вёскі, эмігрант і пісьменнік, які знік разам са сваімі рукапісамі

За межамі Міра і Нясвіжа: чатыры палацы Беларусі, якія зачароўваюць сваёй гісторыяй

Я нічога не адчуваю, альбо Сеанс псіхатэрапіі для тых, хто ў Беларусі

Хто заплаціць за нашую старасьць?

Важнае пра нас

Што такое «Будзьма беларусамі!»

Асобы кампаніі

Усе праекты «Будзьма!»

Фотавыстава Вольгі Завержанец «Transition» у Пізе

Вам можа быць цікава

Апошняе на Budzma.org

Папулярнае

Важнае пра нас

Апошняе
на Budzma.org